【嫁到這世界邊端2】陳貝兒最難忘生死戀：韓劇活生生喺現實出現
撰文：黃欣華
出版：更新：
為咗愛情，大家可以去到幾盡？由陳貝兒主持的TVB真人秀節目《嫁到這世界邊端2》即將在下周一播出。承接上一輯，陳貝兒7月開始先後走訪法羅群島、瑞典、波蘭、希臘、土耳其及以色列等7個國家，繼續尋訪異鄉人妻，為大家呈現一個又一個既甜蜜又辛酸的浪漫愛情故事。
記招上，提到陳貝兒日前因腎石劇痛入院，她透露身體已無大礙，但要聽從醫生指示每日至少喝上2公升水，幫助腎石排出。問到會否找個伴照顧自己，她笑言：「我希望可以更加識照顧自己先，當然有人可以喺身邊定時定候提醒下我飲水、瞓覺同休息就更加開心，但依家我都OK嘅。（依家感情生活方面係？）依家？如果有就唔會搞成咁啦，但都READY接受另一段感情，但好多嘢都係整定嘅，所以往往最出其不意的地方就會出現愛情。」
講到拍攝過程，陳貝兒透露今次旅程比上一輯更加精彩：「兩個trip加加埋埋去咗成50日，去咗7個國家，拍咗9個愛情故事。我覺得今次嘅故事更加扣人心弦，而我自己嘅投入程度都比上一輯有過之而無不及。因為始終上一輯我仲沉溺於喺自己嘅故事當中，今次用一個重新出發嘅態度去感受人哋嘅愛情故事。」問到哪一個人妻的故事最難忘，陳貝兒稱：「當然係打頭陣的韓國，我一向都好鍾意睇韓劇，都曾經幻想自己嫁到個Oppa。而今次採訪咗段韓國生死戀的故事，個女主角有重病，但男主角都不離不棄。佢哋真係韓劇咁嘅劇情，原來真係活生生可以係現實出現。」
《嫁到這世界邊端》上一輯好評如潮，更在《萬千星輝頒獎典禮2017》得獎。對於新一輯的收視壓力，陳貝兒就表示：「無諗咁多，希望故事可以感動到觀眾，唔想令大家失望，畢竟成隊crew都花咗好多心機。而最搞笑係，啲人妻接我機嘅時候同我講咗唔會喊，但你頭先都見到，個個都喊晒，因為故事真係好感動。」