【麥路人】郭富城成婆媳糾紛磨心？　「啲騎呢雜誌無中生有」

郭富城（Aaron）昨晚（9月28日）出席電影《麥路人》的感謝宴，雖則說是電影活動，但傳媒關注點仍然在郭富城的私人生活上。這次就有報道指郭富城母親與太太方媛有婆媳糾紛，而郭富城亦都面對住全世界男人老公都要面對的問題，成為兩者之間的磨心。郭富城接受訪問時，言語間就帶點「火藥味」：「其實呢一啲無中生有嘅『騎呢雜誌』，我係度諗緊，其實每逢我有上電影會上，即係《無雙》或者就嚟要做一個大型演唱會，咁一啲『騎呢雜誌』就會開始捉一啲料出嚟，作天馬行空嘅故事。」

郭富城解釋說：「今日喺度我只可以講一次，就係話，絕對冇呢啲無中生有嘅事，其實我而家覺得自己好幸福，同埋我哋家庭過得非常之融洽，所以我都唔明白點解會有呢啲報道。咁咪吸引讀者買書囉，所以希望大家聽咗之後，同埋我講咗之後，就唔好去信呢啲嘢。」被問到會否「再追多個小朋友」時，郭富城就回答說：「我係喜歡一個熱鬧嘅家庭。點解要結婚、點解要組織家庭，就係我覺得要去組織更加多小朋友囉。到時我亦會同大家分享，不過唔係而家。如果有喜訊，我一定會同大家分享，不過最緊要順其自然。」

除了即將上映的電影《無雙》外，其實《麥路人》的題材亦十分獨特，故事講述郭富城飾演的金融才俊因為人生挫敗而跌至谷底需要到24小時快餐廳過宿一宵，同時也在快餐廳中認識了一班社會低下層不同的人，從而改變了他自己的看法。「開拍之前，劇組嘅監製同投資方知道我喺康城做緊其他電影宣傳，佢哋特登跑到康城搵咗我經理人同我講：『終於畀我搵到你啦，我一直有一個好好劇本希望你可以拍。』當晚夜晚我就即刻睇晒個劇本。」結果，當晚就是郭富城立即決定要接拍《麥路人》這套電影。