郭富城自爆係雙喜臨門　傳3年抱兩即將再做爸爸

郭富城同老婆方媛 (Moka) 的囡囡Chantelle早前剛剛過了1歲生日，52歲的城城近年一直想組織自己的幸福家庭，而向來好鍾意小朋友的他當然唔會生一個小朋友咁少啦，加上他又好孝順，自然想畀媽咪抱多幾個孫，為郭家傳宗接代追個仔仔開枝散葉。最近就有消息指城嫂Moka已經成功懷有第二胎，城城將會再做爸爸喇。

據知，城城難掩將再為人父的喜悅，於囡囡的1歲生日party上，忍唔住同好友講話係「雙喜臨門」，所以即傳出他老婆Moka已陀有BB。雖然城城已經52歲，但城嫂Moka只有31歲，生B無難度，如果今次消息屬實，城城就係3年抱兩喇，恭喜晒呀！