【鐵探】姜皓文吳廷燁男人味濃　金像影后惠英紅係終極黑警？

由TVB和企鵝影業聯合製作的新劇《鐵探》日前正式煞科，而煞科宴上播放的最新劇集預告，最近亦被上載至影片網站。惠英紅、袁偉豪、黃智賢、蔡思貝和楊明等主演在片段中均悉數登場。一開始，飾演警探的袁偉豪便因為中槍倒地而半身不遂，他邊做復健運動邊說：「我個頭係點樣中槍，我要清清楚楚知道。」又揚言要重返警隊破大案，不過飾演警隊高層的惠英紅卻聲勢凌厲地喝止：「就算一哥答應，我都唔畀呀！」極有張力。

至於三屆金像影后惠英紅和出爐金像男配姜皓文亦在片中大鬥演技，戲中飾演警方臥底的姜皓文疑被過橋抽板而舉槍指向惠英紅：「你為咗上位，仲要幾多人墊你屍底呀！」姜皓文更是七情上面令人非常想知他最後會否開槍。

點擊下圖觀看《鐵探》卡士有幾勁：

不過，預告片中最正的並非以上場面，而是惠英紅和黃智賢在辦公室互片的戲碼，坐輪椅的黃智賢便極度質疑同袍惠英紅的處事手法：「香港唔係咁，唔係有權有勢嘅就可以打橫行。」而自覺並非「大石砸死蟹」的惠英紅面紅耳熱地說：「我係憲委級，係特首委任，我嘅品格係有認證！」又強調自己沒有濫權。兩人愈講愈大聲，更一齊連珠爆發攻擊對方為自己辯護，完全聲疊聲，似足電影《寒戰》（2012年），梁家輝和郭富城兩人「鬥大聲」的場面。其實，不少電視作品都參考、戲謔以及向這個畫面致敬，包括陳奕迅、李榮浩主演的《臥底巨星》（2018），成為了近年的港產片新「經典」。