【再創世紀】大陸收視差卻獲香港網民讚　咩原因令到兩地有差異？

雖然由郭晉安、林文龍、楊怡等主演的商戰劇《再創世紀》在大陸收視一般，但香港觀眾的反應就截然不同，除了大讚劇集節奏明快，畫面質感好同有追看性之外，更有網民留言：「估唔到好睇過《創世紀》，內地觀眾唔識貨」。究竟係咪真係大陸觀眾唔識貨呢？

其實《再創世紀》故事一開始就以2008年美國次貸危機、雷曼銀行破產為背景，講述股市動蕩很快就要蔓延到香港，為避免香港金融體系崩盤，幾大巨頭面臨嚴峻的挑戰。內容會講到脫歐，收購，對冲，科研創新，董事局，投票權等金融話題，比起《廷禧攻略》這類人人都接受到的灰姑娘故事，這類比較有深度的劇集唔止大陸觀眾未必有興趣睇，香港的「師奶」亦未必鍾意睇。但無綫落足本實景拍富豪生活，碓實值得一讚。

另外，劇中大部分演員仍未完全打入大陸市場，即叫座力不高。雖然郭晉安與楊怡貴為視帝視后，但二人多年來都以拍無綫劇為主，參與大陸劇集的演出少之有少。相反，佘詩曼多年來獲封為「TVB一姐」及擁有「港劇女王」的稱號，先後拍攝7部中國大陸劇集並參與多個大陸真人秀，更有不少網民直認因為阿佘，才收看《延禧攻略》，可見其相當有叫座力。

最後，口味不同。按劇集播放量的首三名，分別是《如懿傳》、《香蜜沉沉燼如霜》和《延禧攻略》，明顯以古裝題材劇集的確在大陸市場比較吃香，不少大陸的一線演員亦是拍古裝劇出身而走紅。