【再創世紀】林文龍對收視有信心 驚呼鍾嘉欣變了「另一個人」
撰文：趙允琳
出版：更新：
林文龍昨日（9日）出席《再創世紀》宣傳活動，新劇今晚（10日）在香港首播，文龍表示非常興奮：「因為內地今晚大結局，網上面嘅fans都話觀眾寫左好多評價出黎，我見到九成幾以上全部都係正面嘅，咁多正面的回嚮，作為演員都很開心。」
被問到劇集在內地反應不一，有否留意，他表示：「再好嘅戲都有人唔鐘意啦，我哋作為演員嘅，做好自己本分。」他稱當然明白每個觀眾都有不同喜好，亦表示非常尊重他們的意見，所以對新劇的反應都頗有信心。「希望出黎之後香港嘅觀眾都會鐘意啦！」
劇集在內地於昨晚（9日）率先播放大結局，會否擔心香港觀眾「等唔切」偷步在網上觀看而影響香港收視？「如果佢哋覺得好睇，我相信佢哋會再睇嘅。」
劇中與鍾嘉欣在加拿大有多場對手戲，提到能相隔12年再次合作，覺得非常難得。林文龍更笑指嘉欣十二年前非常害羞，除了對白在私底下甚少跟他溝通，直呼12年後的嘉欣令他招架不住：「除咗個名叫鍾嘉欣之外，基本上好似變左另一個人咁！喺短短十幾日入面佢同我講嘅野係多過《法證先鋒1、2》兩套戲！」嘉欣最近在家中誕子，有否打電話祝賀？「第一時間啦！咁大嘅勇氣喺屋企裡面生，無得頂！呢個媽咪，贊！」