鄭中基為拍戲增肥　鼻鼾太大被老婆鬧

鄭中基（Ronald）早前獲邀為某鐘錶品牌擔任設計師，首次參與鐘錶設計的Ronald今日（6日）出席發布會時坦言自己雖然完全不懂鐘錶設計，但卻投放了很多心思和時間，並以音樂為今次的創作靈感。被問到將來會否為太太設計一隻專屬錶，Ronald表示：「我諗住睇下今次成唔成功先，如果成功嘅話咁我會再設計多啲，或者比啲年輕啲嘅朋友。」

Ronald先前為了新戲增肌，並在社我交網站上載了自己的「肥仔相」引起網民巨大迴響，瘦底的Ronald有什麼增肥秘訣？「無啊，瞇埋眼食囉！」（一日六餐？）「唔使食好飽嘅，食六七成左右啦，增磅嗰時可以食多啲澱粉質。」

Ronald笑言太太不喜歡自己「咁大隻」，希望Ronald能瘦番啲：「因為增磅嗰陣食到好肥，夜晚鼻鼾好大，嘈到佢要去小朋友房瞓！」Ronald都表示自己即將有新嘅工作，經常要穿西裝，所以唔能夠太「大隻」：「大大舊個款唔好睇，所以要slim返啲。」