【全民造星】姜濤自稱仍然是處男　卓韻芝分析他是否講大話

ViuTV《全民造星》一向有不少觀眾追看，最近更因為評判問題而引起熱話，連杜汶澤都忍不住在網上向有份擔任星級評判的蕭定一和張建聲開火。當然，節目本身的焦點始終是一班男仔，他們一直以來的付出，一班觀眾都有目共睹，亦因他們的熱血表現為之動容。不過，最近最值得一提並非他們的演出，而是大熱門19歲小鮮肉姜濤的感情史。

【全民造星】19歲靚仔姜濤曾經係200磅肥仔：我為咗個女仔而減

在星期四（30日）播出的一集中，主持人便勁直接問姜濤曾否拍過拖，搞到姜濤非常尷尬，其餘參賽者亦哄動大笑，姜濤見狀怕醜仔上身：「我暗戀過人。（你暗戀過人？）冇拍過拖嘅。」豈料主持人之後的問題更加直接，她問：「即係你係處男？」搞到姜濤掩咀以笑遮醜，然後細細聲在主持人耳邊答：「係呀。」搞到主持人四萬咁口。

導師之一的卓韻芝便好認真地分析姜濤是否仍是處子之身，她說：「我覺得姜濤真係冇拍過拖，而且佢真係處子之身，因為我睇完佢兩三年前嘅肥仔相後，我係好明白嘅，所以我開始相信亦好明點解姜濤咁冇自信。」其實準人妻卓韻芝這樣細心分析是否因為她對姜濤嗒糖？不要諗太多，她對一班男仔一視同仁，一直做緊一個「好媽媽」的角色。

【全民造星】杜汶澤爆粗鬧星級評判冇品　張建聲懶理：我控制唔到