【特技人】譚俊彥太太任祉妍同樣係演員　結婚後息影專心湊仔

譚俊彥、關楚耀、傅嘉莉、沈卓盈、楊玉梅等演員今日（31日）為答謝觀眾對劇集《特技人》的支持，舉行花車巡遊，雖然天氣不似預期但仍吸引大批市民圍觀。

對於日前播出「大志哥」與身穿Bra Top的May豬激嘴引起不少迴響，譚俊彥笑言：「唔會尷尬，每個shot拍完我都搵件褸幫佢披住，因為廠都比較凍，同埋佢都未試過咁性感喺廠度拍一場戲，最緊要令對方舒服，我自己嗰日就刷多啲牙囉。其實都拍得好快，兩次就搞掂。」

雖然譚俊彥與朱晨麗拍親熱戲令人羨慕，但其實譚俊彥的太太任祉妍亦是一位美人，難怪即使與多位女藝人合作，譚俊彥都沒有過電。任祉妍出生於遼寧省大連市，話劇演員出身的她代表作品有：《夜店之天生絕配》、《紅玫瑰與白玫瑰》、《大家都有病》等。二人因合作拍攝《冰酒窩》認識並擦出愛火花，於2015年結婚，同年誕下女兒。下嫁譚俊彥後，任祉妍就犧牲喜愛的幕前工作，陪着老公來港，兼照顧一對仔女。問到太太會否復出，譚俊彥竟笑言：「佢依家暫時想關注返係小朋友度先，因為帶兩個小朋友真係好辛苦，而且拍戲都好辛苦，等我一個人去拍啦。〈會唔會考慮夫妻檔出活動？〉有可能嘅，不過近幾年我諗都係我辛苦啲先啦。」