【特技人．專訪】沈卓盈洗脫「大台花瓶」：出幾多努力有幾多成績

提到沈卓盈，你腦海會浮現哪些關鍵字？長腿？主持？大台花瓶？釣金龜？無錯，入得娛樂圈個個都想上位，為了爭取一個演出機會、一個角色使盡渾身解數，但偏偏「大台花瓶」沈卓盈入行15年來，由模特兒、主持再到演員的路上一直默默耕云，甘願做佛系女演員。

【特技人‧專訪】羅浩銘八年時間由特技人變指導 思考動作最重要

【特技人】譚俊彥否認踢走馬國明拍《法證先鋒4》 ︰我唔係男一

從未向監製提要求　認好角色可遇不可求

沈卓盈先天條件好，除了顏值高，身材高挑皮膚又白凈，更一直深受網友喜愛，但多年來只擔任配角。雖然如此，但沈卓盈從未怨天尤人，更稱：「其實我無呢方面要求，都係等公司安排喇。監製搵自己其實好開心，因為佢欣賞自己，度身訂做一個角色畀你。但好的角色可遇不可求，盡力去做，公司都滿足咗我好多要求。」沈卓盈入行15年來，事業有起有跌，但她認為身為一名藝人最重要是調理自己心態：「做女主角？當然，但其實藝員好尷尬，好多嘢都好被動，公司畀咩你就做好佢，希望得到觀眾讚同肯定已經好開心。」

難忘與譚俊彥演親熱戲　沈卓盈認保守拒演床上戲

雖然在劇中，沈卓盈未能像其他演員一樣挑戰大量的動作場面，但首次演媽媽角色的沈卓盈都表示有難度：「因為我無真正做過一個媽媽嘅角色，今次係第一次嘗試做媽媽嗰種感覺。喺劇中，我有好多感情戲。感情方面會圍繞坐我老公曾航生、前男友譚俊彥同朱麗晨錯綜複雜的四角戀，同埋阿仔嘅親情。」雖然沈卓盈與譚俊彥一同出演過劇集《天命》，但二人從未有對手戲：「我同阿Shaun平時喺化妝間就見得多，但完全無合作過。估唔到第一日拍就要Kiss，仲要180度不停咀，之前頂多都係鍚一鍚。〈你底線係邊？〉我始終都係一個保守啲嘅人，普通攬同鍚OK但床上戲我就真係唔得，過唔到自己嘅心理關口。」

無論角色大小　沈卓盈堅持演好佢

無論大大小小的角色，沈卓盈都希望做到最好：「其實每一個角色我都會盡做，會為角色好努力去學。例如跳舞，會自己俾錢去學跳舞，想出嚟俾觀眾換然一新的感覺，因為始終角色係你自己，出嚟好唔好都係你自己，所以你出幾多努力有幾多成績。我都好鍾意同前輩合作，因為佢哋嘅意見好寶貴，有對手戲、未到我或者收咗工我都會留喺廠睇佢哋點樣去做戲，參考下佢哋拍喊戲，點樣演繹，我都好想去研究。好似之前喺《梟雄》中同秋生哥有一場對手戲，真係袋錢入我袋。」

有結婚計劃　沈卓盈未打算淡出幕前

感情方面，沈卓盈與家族經營內衣褲出口生意的男友Calvin感情穩定亦透露有結婚計劃：「我同佢相處得好好，都有呢方面嘅共識，有好消息話畀大家聽。〈婚後會繼續工作？〉我未諗但如果未有小朋友嘅話我都會繼續做嘢，因為我唔想停嘅人，就算依家無劇拍我都會學攝影、學國畫、游水同毛筆字，培養同豐富自己內涵。」

髪型：Green Cheung @ FIFTH salon
服裝：Caxx
場地：1963木十豆寸