【降魔的】續集鐵定明年初開拍　編審羅佩清：劇情再刺激啲！

由馬國明、黃智雯、胡鴻鈞和劉佩玥主演的《降魔的》雖然在《萬千星輝頒獎典禮2017》中失落「最佳劇集」，但因為播出時候叫好叫座，所以好多觀眾都非常落力地要求無綫電視（TVB）開拍續集。《降魔的》編審羅佩清1月時便在網上透露劇集即將有續集，惟一直只聽樓梯響，所有細節仍未落實。不過，最近《香港01》收到消息，指《降魔的》續集已經鐵定在下年年初正式開拍！

一向口密的馬國明接受《香港01》訪問時便指《降魔的》續集「好似係」下年年初先正式開拍：「等公司公布啦！」而飾演「龍貓」的何遠東就確定開拍消息，但提到他在戲中已經意外身亡兼投胎，問他會否翻生時，他即賣關子：「真係唔知喎，你要問下觀眾同埋監製、編審想唔想喎！」

至於羅佩清受訪時便透露續集將繼續以原班人馬演出，講到「石敢當」胡鴻鈞、「有為」蔣志光已消失時，她便向觀眾大派定心丸：「佢哋都會出現，係以特別嘅方式出現！」而劇情則會側重於已成靈魂的「啤啤」劉佩玥學習魔法之路，以及馬國明如何成為一個出色的驅魔人：「劇情因應角色成長而刺激咗！」

提到之前續集或以《降魔的之十字路口》為名，問是否已經確定？羅佩清坦言仍未確定：「呢個就未落實喇，要等老細決定。（之前反應咁好，今次係唔係有多啲預算？）有適量調整！」那麼是否寫劇本時都「放」一點、寫得視覺上繽紛一點？羅佩清說：「呢套劇始終唔係特效片，特效嘅嘢都係應用則用，原則係特效服務劇情，而不是本末倒置要劇情服務特效。」