【港姐2018】陳曉華Hera曾壓力大生粒粒 爛面爛足一年！
撰文：黃欣華
出版：更新：
《2018香港小姐競選》20位候選佳麗今日（15日）去到銅鑼灣出席活動，當中更會選出「最佳口才獎」、「最佳彩粧達人獎」和「我最喜歡佳麗」三個獎項予各佳麗。雖然7號丁子田表現明顯緊張，但都無阻她與8號陳靜堯齊齊先先拔頭籌奪得「最佳口才獎」。1-5號佳麗亦同時贏得「最佳彩粧達人獎」，而大獎「我最喜愛佳麗」就由17號陳曉華〈Hera〉勇奪。
【港姐2018】Nata陳苑澄認自己係壞榜樣：冇諗到呢個後果咁嚴重
【港姐2018】Honey發育得好因為唔諗減肥 均衡飲食最緊要蛋白質
Hera對得獎大感意外，她坦言：「其實有少少意想不到，因為我知道呢個獎係VIP選出嚟，但本身開始我企嗰個位比較後，我都擔心佢哋會唔會見唔到我。但好好彩最後都得到呢個獎，好開心。」Hera亦透露自己大學時期，曾因壓力而導致「爛面」：「啱啱上大學嘅時候，因為壓力好大，令塊面生晒粒粒，搞到自己好擔心又好緊張，又忍唔住係咁搞佢，結果越搞越差，爛咗成年。（點好返？）咩都唔好理，用最簡單嘅清潔步驟同補水同埋瞓覺都好緊要。」
對於15號前組合As One成員陳苑澄日前因玩KiKi Challenge玩出禍，Hera稱有給予她安慰。她稱：「我知佢心情最近有啲唔好，好低落。但作為朋友我會陪住佢，頭先我見佢都有喊，我都係陪佢囉。」
【港姐2018】陳苑澄潮玩Kiki Challenge疑犯法 今日露面點拆彈？【港姐2018】楊帆白滑牛奶肌突圍 羨慕Honey上圍：我都想勁啲【港姐2018】無懼泳裝環節 高育英勁自信：早餐只係食蛋同飲奶！