【港姐2018】仙氣楊帆好「GFable」　不愛甜品愛茶記：鍾意叉雞飯

俗語都有話：男人的浪漫，豆腐火腩飯。如果女朋友肯陪自己在餐廳食「碟頭飯」，應該是一件幸福的事。今日《香港小姐2018競選》宣傳活動時，19號楊帆接受了《香港01》訪問，還透露了自己很愛吃茶餐廳的燒味飯。楊帆：「我鍾意食好多肉嗰啲。」各位聽到之後，係咪即刻加晒分呢？

訪問時帶著濃濃口音的楊帆，自言對廣東話不太熟悉，所幸在由國內到香港求學的4年期間並沒受到同學歧視。「我未參加比賽之前冇講廣東話，都係參加咗呢個比賽之後先開始講，平時我冇真係去學，都係聽人講。我之前都唔使講，都係（出街食飯）嗌下飯嗌下餸就Ok囉，唔使講好多嘢㗎，同啲同學講普通話都ok，或者英文。」記者給了楊帆一個突擊測驗，去茶餐廳點餐，她亦有板有眼。楊帆回答就：「其實我之前都係嗌叉雞飯、四寶飯，我鍾意食好多肉嗰啲，唔鍾意食甜品㗎。」

（IG生活照）