【港姐2018】陳靜堯髮型激似米雪姐　自嘲係「Lion」：試下新嘢

《香港小姐2018競選》進入決賽月，相信每位佳麗都已經做足準備迎戰。日前TVB就發佈了一系列的佳麗官方造型照。雖然靚唔靚就見人見智，不過該輯造型照隨即就被網民熱烈討論，有不少網友更認為造型滲出陣陣「大媽味」，其中8號的陳靜堯（Claudia）的髮型與米雪姐有九成九相似，形容是「得罪咗髮型師」。

不過陳靜堯在個人Instagram上說笑自嘲為「Lion」（獅子頭），真係有EQ又諗法正面。Claudia接受《香港01》訪問時説：「我覺得一幅相一個造型，試下新嘢冇乜問題。我個人係鍾意改變，唔試過唔知適唔適合自己。（自己覺得適唔適合？）我覺得都啱我，都襯得起。（係個髮型襯你，定你襯個髮型？）兩樣都襯，哈哈哈。」如果陳靜堯認為這個突出的髮型適合自己的話，又會不會考慮轉個形象維持這個髮型？她回答說：「我個人真係唔會咁誇，因為佢（髮型）真係走High-end Fashion。我個人出街係比較單調同Simple。」睇真啲，雖然「Lion」好特別，但係都係平時個髮型襯佢多啲。