【港姐2018】港姐泳裝登場一文睇晒　Honey最搶鏡部份佳麗視勁敵

最期待的畫面出現了！《2018香港小姐競選》19位候選佳麗今日（10日）首次以泳裝照亮相，但由於天雨關係，由酒店泳池改到宴會廳舉行，但亦無影響佳麗在傳媒面前展示了最美麗的一面。今年佳麗除了樣貌和學曆平均之外，連身形都相當平均，對比下14號何泳芍（Honey）身材最為突出，搶盡風頭，難怪被其他佳麗視為勁敵。

大會今年清一色以「藍天白雲」作為泳裝主題，真係相當簡潔。當中除了Honey上圍夠晒突出外，3號梁致欣、9號工藤佑采、10號李芷晴和16號黃子桐身材都唔輸蝕，十分吸睛。

【港姐2018】Honey Ho防曬心得     點樣「唔使做Facial」又黑得靚

【港姐2018】18號高育英否認自資百萬出碟 自爆從未拍過拖

除了身材，一眾佳麗在泳裝襯托下皮膚都成為亮點。其中，5號鞏姿希、15號陳苑澄、16號黃子桐、19號楊帆皮膚就足夠晒白滑，令個人整體水平加分唔少。

（點擊圖片睇更多）

而1號蘭倚婷、18號高育英同20號鄧卓殷身材就比較平均，靠靚樣突圍。眾佳麗都話今日未算最佳狀態，希望決賽當晚再以完美體態示人。