【同Sing同戲】林德信作首支國語歌兼任編監　老竇林子祥讚到上天

型男林德信（Alex）最近接受了奇妙電視節目《同Sing同戲》訪問，與主持嚴崇天暢談近況。提到Alex今年5月推出了第一首個人創作的國語作品《愛的理由》，他坦言作品早在2014年完成，但因為忙於拍戲拍劇和做舞台劇，所以未有時間推出，又指自己好享受兼任作曲、編曲同監製：「我唔鍾意聽人點我做！相比以前嘅作品，以前嘅參與度係15%，今次嘅參與度係80%。」提到爸爸林子祥對新作品讚口不絕，他亦表示驚喜：「他唔係成日讚我，所以好開心。他話鍾意我呢個方向，支持我繼續做呢類型嘅歌。」

演戲為先　搞音樂為滿足自己

問到Alex未來將如何分配演藝及音樂發展，他笑言會以演戲為先，但同時亦不會放棄音樂夢：「拍戲同一班人一齊合作，對我嚟講係表演，係滿足別人，但做音樂係為咗滿足自己嘅夢想。」又謂自己已定立目標，希望能完成5首一手包辦的作品：「而家已經完成咗3首歌曲，仲差兩首，我心情都非常期待。」