【扶搖】楊冪阮經天為神藥百芝蘭打交　其實超市就有得買叫雅枝竹

有睇開電視劇的觀眾都知道，不時劇集都會帶出一些物品，不管是吃的飲的用的擦的都講到好厲害，就好似《後宮甄環傳》－東阿阿膠﹑《深宮計》－金創藥…往往都好似好名貴平常人難以得到。最近，由楊冪﹑阮經天主演的古裝劇《扶搖》，戲中講到的「百芝蘭」是神藥可以用來救命，一開始都覺得只係劇情需要理應難以得到，但萬萬想不到所謂的「百芝蘭」其實就係「洋薊」香港稱為「雅枝竹」，在香港好少有得賣不過唔係冇，通常在外國地方比較多，不禁令人覺得其實神藥通街都有，劇組會唔會Hea咗啲呢？認真搞笑啊！

就因為得知「百芝蘭」藥用功效強，楊冪所飾演的扶搖就唔理危險勇闖禁崖，只為採集所謂的「雅枝竹」，後來就連阮經天飾演的長孫無極都搶埋一份，兩人大打出手，搞到大家都好好奇「百芝蘭」究竟是何方神物。沒想到此物就出現在日常生活中，其實隨處可見不過就在香港唔係成日都有，外國就好似法國﹑義大利等；中國的上海﹑湖南﹑北京等地多得是。

其實都好明白他們兩人為何要爭此物，皆因「雅枝竹」起初只盛行於歐洲，因培植困難當時只有貴族可以使用，「睇得又食得」的確有醫療作用，在歐洲有蔬菜之王之稱營養豐富對身體相當有益處，具講有減低膽固醇、保護心血﹑抗氧化改善肝臟問題和消化問題等功效，是相當有安全性高的少數高價值療效植物。不過它的食用方法就似乎麻煩少少，可食用的部分只有花芯同莖，又要剪又要挖又要煮，要用上一段時間千辛萬苦先食到它的真正味道。

雖然，劇集中講到難以得手的「百芝蘭」，其實就係喺街市可買的食物，被電視友嫌棄根本就係平常之物。雖話如此，不過不可否定它的確是一種難以處理的食物，而且功效甚多絕對配得上「神藥」之稱，睇嚟楊冪﹑阮經天爭得都有道理，令大家對這一種植物認識唔少。其實都係睇劇，又唔使咁認真嘅。