【扶搖】大師兄揀面包被鬧係渣男　原來都唔夠古巨基「書桓」人粉

在今年缺乏古裝劇的情況下，楊冪﹑阮經天主演的玄幻古裝劇《扶搖》大紅大紫，首集播出點擊率就破3億人次收睇，收視一直有升無跌。而當中最令人討論得最多的話題就非大師兄燕驚塵（黃宥明飾）莫屬，皆因他有負心愛之人扶搖（楊冪飾），搞到大家認定他為「渣男」，不過雖然他已被標籤為「渣男」，但在眾多電視友心中，他始於都比唔不過古巨基早年在《情深深雨蒙蒙》飾演的何書桓渣，認定古巨基先係「渣男中的渣男」，大家果真睇得好認真。

有睇《扶搖》的都知道，燕驚塵是太淵國玄元山當家之子兼大師兄，從小就受到父親的嚴厲管教同壓制，是上等之人。不過他就唔理會自己的身份而同下等人扶搖相戀，處處保護兼愛著她。不過最後在無路可走情況之下，他就選擇了前情同一位有後台而冇愛的女人結婚，正正因為這樣他就被好多人睇唔起，在前途同愛情中選擇了前者，搞到大家恨他之入骨。

雖然有人話他自私，不過他的自私其實並唔代表唔愛扶搖，反而是真心愛她。皆因在無從選擇之下，他這樣做將來先可以帶給對方好日子過：「我能給你自由﹑能給你想要的生活，除了不能給你一個正室的名分，連我的心都是向著你的。」其實就是面包同愛情的選擇，一開始選擇了面包，但是心裡是從來没有放棄過愛，只可以話最大的錯誤就是自己仲唔够强大，所以借機會令自己變強，其實唔算是渣男行為。連他自己本人都在社交網站，為自己的角色澄清：「請你們繼續看戲，現在定論時過早。」睇嚟大家入戲太深，只要傷害楊冪的男人就是渣？

雖然，大師兄已經搖身一變成為最新「渣男」代表，不過始終都渣唔過古巨基。過去古巨基在《情深深雨蒙蒙》中飾演的何書桓，一直都是唔少電視友心中最壞渣男代表，皆因他對愛情搖擺不定，在陸依萍（趙薇飾）同陸如萍（林心如飾）之間難以選擇，即使最後選擇了陸依萍，理應同陸如萍斷絕關係一刀兩斷，不過他仍然話裡充滿曖昧意思：「我這一生都不會忘了你，不管我在誰身邊，我心裡有個主角落永遠為你保留著。」看似兩位女人都想得手，唔似大師兄雖然同自己唔愛的人結婚，但他由始自終都坦誠只愛一人，更因為這一份愛而做一些自己唔情願的事情，令自己同心愛的人將來生活可以過好一些。

相比兩人古巨基的確是「世紀渣男」，這一點係唔少網友心中的說話：「沒有人比得過書桓在我心目中的地位」「書桓的位置無人能撼動」「何書桓史上第一渣的地位」…可想而知睇一部劇可以思考人生，往往好可能這一些事情會發生在自己身邊，其實逼不得已的愛先係真愛。睇嚟，古巨基飾演何書桓好難有人同他爭「渣男」冠軍。