王浩信IG出PO：太陽出返嚟！ 唔通同陳自瑤雨過天青？
撰文：冼燕珊
出版：更新：
36歲陳自瑤(Yoyo)同34歲老公王浩信自上星期傳出離婚消息以來，兩位當事人都沒有正面回應過婚變傳聞，及後又傳出女兒王靖喬將交由老爺奶奶湊等傳聞。今日下午二時Yoyo 將會現身出席馬鞍山一個活動，屆時必定被傳媒追問相關事情。而王浩信在早上11時在IG出Post，貼出一張風景相，再附上一段耐人尋味兼語帶雙關的留言：「無論任何人的關係都是一面鏡，它映照了你的本質，好好感恩你每一天仍然能夠存在，去感受，去活着，去愛，去體驗狂喜，我就感恩今日太陽終於出返嚟。」
呢一刻，實在覺得王浩信跟 Yoyo 真的很有默契，兩個人都喜歡猜啞謎，「太陽出返嚟」、「去愛、去體驗狂喜」，唔通係暗指同老婆嘅關係雨過天青？而平日極少會PO囡囡相嘅王浩信，昨日罕有在 IG 貼出同囡囡一齊畫畫嘅相，仲留咗個好溫馨嘅言：「First time we work on a same piece」並Hashtag like father like daughter，平時王浩信好少咁公開同囡囡嘅互動，難道係想挽回住家男形象？
+6