【棟仁的時光】范文雅同袁偉豪「蜻蜓點水」式接吻：第一次俾咗佢

TVB劇《棟仁的時光》來到第5集，大家一定好想知今次「曾棟仁」（袁偉豪飾）的對手是誰？今集到底邊個咁有福氣可以同男神袁偉豪kiss呢？答案就是平日經常在六合彩節目中見到的范文雅（Aliya Fan），而心水清的朋友，可能仲會記得她拍過《3日2夜》。范文雅（Aliya Fan）接受《香港01》訪問時笑言：「今次係我第一次拍kiss戲，算係螢幕初吻。（袁偉豪好鍚嗎？）都好鍚㗎。拍嗰幕之前因為食咗宵夜，所以大家都食咗香口膠先拍。」

初見范文雅（Aliya）的人，可能會以往她只是一個戲份不多的「花瓶」。但實際上，她是「2010年度墨爾本華裔小姐」冠軍，同時她更是擁有澳洲蒙納士大學「風險投資管理」的碩士生。「風險投資管理」畢業的范文雅，其實在參選前已經在澳洲的銀行擔任顧客服務主任，月薪都有2萬港紙起跳。

如果以「風險投資管理」角度評估她現時「在TVB做藝人的風險」，范文雅又會點評估呢？范文雅說：「好多人都會問我呢個好有趣嘅問題。但係呢個問題真係沒法用任何『風險管理』嘅model去評估。風險呢家嘢，喺TVB真係評估唔到。（有冇諗過好似炒股票咁斬倉？）曾經有，但係而家冇。頭一年有諗過『斬倉』唔做，不過後尾就『叮一聲』諗通咗。而家發展都慢慢好咗。我都覺得個風險低咗。」

眾所周知，TVB出名人工低。新入行藝人又大多數要捱三五七年先有發揮，轉眼間，現年32歲的范文雅已經加入無綫電視差不多5年（2012年國際中華小姐競選後簽約入行），同年2012年華姐冠軍張曦雯（Kelly Cheung）發展亦相當理想。不過范文雅對於以往際遇又好樂觀，而且仲好敬業樂業。范文雅：「開心又做，唔開心又做，不如選擇開心地去做。開心又係生活，唔開心又係生活，不如選擇開心地去生活。盡咗力之後再諗返轉頭，咪無憾囉。既然我都揀咗呢條路，就要繼續做好佢啦。仲有，我又係坐唔定嘅人，坐銀行朝九晚五太悶，而TVB呢份工又更加有挑戰性。」喜歡向難度挑戰的她，相信一定會越做越好嘅。