【開心速遞】傳馮盈盈加入原來只係美麗的誤會　盈盈親自解畫澄清

馮盈盈 (Crystal) 首次參演的無綫劇集《果欄中的江湖大嫂》已經播出了大結局，她飾演的小狼女一角相當受觀眾同網民的喜愛，不少人都好期待可以再於其他劇集度見到她。有報道就指Crystal將會加入《愛．回家之開心速遞》劇組，事緣飾演送水輝的許家傑於他的ig story上載了一段短片，片中有同劇的湯盈盈、姚瑩瑩，以及無份演出該劇的Crystal，許家傑仲話：「三個盈盈，好亂呀！」就是呢條片令人以為Crystal會加入《開心速遞》呢個大家庭。

不過Crystal已經在有關報道出街後，於她的Facebook貼文澄清表示：「唉呀，搞出誤會添，其實係我見到我兩位偶像兼盈盈界鼻祖，湯盈盈 Angela Tong、姚瑩瑩 Eileen Yeow，情不自禁主動去求合照啫，遲啲post呢張世紀合照呀 #3個盈盈一個廠 #大家都是盈盈」原來只係一個美麗的誤會，大家想再睇Crystal拍的劇唯有等下，又或者睇住她的ig靚相先啦。