【三個女人一個因】哲學碩士鍾志光從來冇心水球隊：足球係好奇妙
《三個女人一個「因」》裡面的鍾志光是一名不折不扣的利物浦死忠，在劇中為了跟死敵曼聯的粉絲鬥嘴，甚至會在酒吧中跟人大打出手。不過原來現實中，鍾仔並不是一個會追捧一對球隊的人。
而提起鍾仔，大家未必會對他演出的劇集角色有太過深刻的印象，因為他的體育節目主持做得太出色，基本上每一樣體育他都能夠旁述，亦因此得到了「萬能鍾」這個稱號。但原來鍾仔講波的背後，隨時蘊藏著一種哲學道理，因為他是一個哲學文學的碩士生！
很多人睇波都會有一隊專屬支持的球隊，但鍾仔卻是例外，在接受《香港01》訪問時，他說：「無！最主要係我睇波無話特別捧邊一隊，最緊要嗰場波精彩，邊隊踢得好我都會欣賞佢。睇波講波都係咁嘅心態，尼馬好波喎，但我唔會因為佢去咗巴黎聖日耳門而特別捧佢，山齊士都好波，亦都唔會因為佢由阿仙奴去咗曼聯而我去捧曼聯。」
那麼究竟鍾仔是用甚麼心態去睇波呢？始終佢對住球賽分分鐘比對住劇集的時間更多，他說：「足球係一件好奇妙嘅事，朋友們有呢種心態（死忠）我都好明白，呢個係好難得嘅，你鍾意熱剌咪熱剌囉，鍾意捧屈福特都唔緊要，但係當屈福特或者一啲下線球隊你就唔好埋怨人哋，因為係你自己接受嘛。我自己就唔係嗰類喇，純料睇波，整體去睇，值得贏咪去贏囉！就好似巴塞啱啱贏車仔，車仔第一場其實打得好好㗎喎，我第一場欣賞車仔㗎，但第二場就散晒，又睇到美斯一個人就改變咗個戰局，睇波就係咁。」
真係一隊特別喜歡的球對都沒有？「唔會特別去捧佢囉，即係每一個時代都有啲特別有代表性嘅球隊，70年代就利物浦喇係咪先？到後期阿積士90代拎歐聯嗰陣全部都𡃁仔嚟㗎喎，呢啲咪值得去欣賞佢囉，但我唔會因為佢咁樣而我做佢die heart fans。」難怪鍾仔講波一直都咁中立喇！
【三個女人一個因】陳俊堅終於有發揮：呢套劇係入行後最大的挑戰
【三個女人一個因‧任噏亂評】高層未信任黃智雯 收視成平反理據
【三個女人一個「因」】劇集三大亮點 黃智雯爭視后要靠呢個角色
不過鍾仔自從有一次被監製叫去拍劇後，劇集一直都陸續有來，基本上一年都有接近十套。雖然戲份不多，不過在主持與演員之間不停地走來走去，鐵人也會累，更何況鍾仔已經50歲了，不過他卻這樣認為：「唔會嘅，因為工作嘛，第二做體育節目係另一個工種，拍劇又係另一種。對我嚟講就覺得好幸運嘅，即係好似你去食飯咁，一餐飯係可以食足粵菜、上海菜、法國菜，仲食埋意大利菜，好鬼正。」
大家都知拍劇工時長，會唔會成日無得瞓？他說：「都唔會㗎，呢個情況唔會經常發生，都頂得住。我哋做演員或者體育節目或者藝人，有個好怪嘅特質，無論你點累點眼瞓都好，個cam一著咗你就好精神，呢個唔係做開我哋呢行可能會領略唔到。」鍾仔曾經試過跟江嘉良（前中國乒乓球國家隊成員）主持奧運節目，該節目長時間要留在乒乓球館作準備，當未有比賽時，鍾仔會小眠作休息，但一開機拍攝便會好精神。這個情況令到江嘉良覺得很神奇，明明剛剛還在睡覺，轉個頭彷彿變了第二個人，這個就是演員的特質。
很久以前鍾仔是讀體育出身，出來打工後為了進修便讀了一個康樂及管理課程，就在讀完這個課程後，鍾意向自己起誓，如果今生再有機會讀書，一定不會再讀跟工作有關的課程。結果之後讀咩？原來係香港公開大學人文學科榮譽學士、香港大學中國語言及文學碩士和香港中文大學哲學文學碩士。
至於點解會讀哲學，他說：「唔係兒時夢想㗎，其實係一步一步，因為我哋成長係無哲學讀，最相近都可能係讀中國歷史嘅思想部分，一路一路接觸又覺得幾有趣，之後就有興趣讀相關嘅課程。」香港棟篤笑之王黃子華就常常將哲學理論放在棟篤笑裡面，那麼鍾仔講波又會否將哲學融入其中呢？「唔得嘅，呢樣嘢係兩回事，我哋唔可以硬去諗一樣嘢去套落另一樣嘢度，不過有時會不自覺將個概念放咗落去。」
大家不妨睇吓鍾仔嘅金句，睇吓有無哲學玄機。（摘自維基百科）
無綫互動Giv遊戲，send多啲短訊嚟啦
呢球波龍門救唔到一定入
法定時間冇入波睇唔緊要，踢到互射12碼階段一定有得睇入波
空門呀，但一射射唔入，你嚟個倒掛呀，呢個真係超級大傻仔呀
呢啲波你都唔係向著龍門射，點倒掛呀，老友，您估您真系識自動導航咩，真係
喂，踢好啲喎，老友
呢場波係開賽廿分鐘已經入左兩球，好大機會之後會出現第三球。
傑志呢度有伍健，我地呢度有兩件，仲有一件「Keyman」馬啟仁
伊度奧同亨利感情好到極，喺更衣室門口等對方，只差在未手拖手入更衣室
呢個超級大傻仔（對象是港會球員羅倫士）
喂，踢好d波wor，大佬
叫你入波，逃也逃不到，避也避不到
呢場波一定有得睇入波，120分鐘冇波入唔緊要，射12碼果陣一定有得睇入波
塊地係乾，唔係祖雲達斯果個「干地」
巴塞前場好似傑志領隊一樣，「伍健」（五件）
你識自動導航咩？真係！
餵……keyman……你點睇？（視乎哪位評述員／嘉賓在現場；如張國強在現場，會講「喂，KK，你點睇？」）
秋後算帳施丹實唔驚，佢都退休……停幾多場都無所謂……
請大家留意「x月」「x日」「x時」「x分」我地無綫電視將會直播荷蘭甲組足球大賽：「xx」對「xx」...請大家唔好錯過啊！
餵……偉文你點睇啊？
貝克漢好深受香港球迷歡迎播……
大人細路都o岩睇既哆啦A夢
啊羅生呀，點解今日你唔著紅色衫既？
排係第15、16呢d球隊要小心d，再唔踢好d，隨時會有降班威脅（評述荷蘭甲組足球大賽精華時）
朗拿甸奴式既過人
除左技術之外，仲要用超技術
神奇過神奇
你攻我擋，你攻我擋……
睇下呢球波先……
keyman……節目開始啦……仲睇書？（2008年4月13日既球迷世界）
依家仲少林足球？依家興玩父子情！
呢隊波弱過「藥」煲！
呢球波差d啊……
你手拉我手，點解手牽手？
強者敗，更強者勝！
消極過唔消極
有施丹喺度，就以為佢係仙丹呀？
旁証未落旗呀！
冰筒入邊咩黎架？冰水黎架！
如果你唔鍾意歎冷氣，亦可以到出面嘅沙田中央公園，嘩，涼風集集，爽呀！（己丑年沙田龍舟競渡）
亞公角真係不費吹灰之力，輕易贏左「消防署新界東」（評述己丑年沙田龍舟競渡）
此時此刻，無語問蒼天