𡃁模譚嘉儀藍帶學藝爸爸突離世 東京收噩耗：無諗過會咁樣永別
撰文：張嘉敏
出版：更新：
呢位港產美女廚神譚嘉儀 (Vivi) 原本是做𡃁模出身，於2015年同網絡紅人達哥（林慧韡）一齊拍了旅遊網站Expedia廣告而人氣爆升，樣靚身材正的她火速成為新一代宅男女神。當了6年模特兒後，Vivi因為興趣驅使而到了東京，修讀為期6個月的法國藍帶廚藝課程，家中有個做中廚的爸爸對她亦有很大影響。Vivi細細個已經成日睇爸爸入廚，10歲就開始入埋廚房一齊煮，而她這次出走東京追夢也獲得爸爸全力支持。不過Vivi萬萬想不到她到東京上學期間，爸爸竟然會不辭而別，從此跟爸爸陰陽永訣，突然得她完全接受不了。Vivi說：「當時我身在東京收到呢個消息，爸爸突然離世，我連佢最後一面都無機會見到。最初係爸爸鼓勵我去讀，但我都未畢業佢就已經走咗。」
Vivi那段日子非常想念爸爸，傷心得上上下堂都會喊出來：「我當時真係好想放棄，覺得自己撐唔到落去。」幸好在朋友的開導和鼓勵下，Vivi都決定要咬緊牙關堅持下去：「好想完成爸爸希望我完成嘅事。」
而她於爸爸離世後亦在facebook抒發心情，話下世都要再同爸爸做父女：
「爸爸係琴晚已經走左...
好突然甘就走左 最後一面我都見唔到
你走之前我都無陪你 咩都無講
你就這樣永遠永遠離開了我 .....
從來都無諗過我地會甘樣永別
好記得琴晚 ..呀妹用視像打比我 比我見你
我真係崩潰 好傷心 好想死
你又話我畢業返黎要煮飯比你食...
我最愛既爸爸 .. 你去左邊
我跟你說的話 你能否聽見
下一世 我地從新再黎過好唔好
2017.11.16 我永遠唔會忘記」
+10