𡃁模譚嘉儀法國藍帶廚藝畢業　使26萬純為興趣：無計劃做廚

可能有唔少人都會於廣告或活動上見過譚嘉儀 (Vivi) ，對她的靚樣好有印象，18歲便入行做了6年model的Vivi除了享受模特兒的工作，仲由細到大都好鍾意入廚。而對烹飪的濃厚興趣更令24歲的她甘願放棄幕前工作，隻身到東京修讀法國藍帶廚藝課程，而且更學成歸來。既然一直都好鍾意煮嘢食，是甚麼原因令她下定決心要去正式學廚呢？Vivi說：「想將自己嘅興趣變得專業啲，學多啲唔同嘅嘢，增值自己，可以識煮多啲嘢。」

Vivi於半年前攻讀了為期半年的課程，單是學費高達港幣26萬元，可謂相當昂貴，幸好有她爸媽的全力支持。Vivi現已成為法國藍帶廚藝的畢業生，以專業資格來說比Chef Lemon (謝霆鋒) 更有認受性，那麼她又會否學Chef Lemon一樣成為廚師呢？Vivi說：「其實我主要都係為興趣，喺屋企可以煮下嘢畀大家食得開心啲，暫時無計劃做廚師住，依家都係做返model嘅工作。遲啲可能會同朋友合資開cafe，不過我又唔識做生意，所以要再研究下。」