【平安谷】黃浩然選擇同陳凱琳私奔？　男仔原來會俾亂棍打死

估唔到昨晚首播的劇集《平安谷之詭谷傳說》反應都算不錯，好多觀眾都留言話節奏幾好，題材新鮮。昨日一開場就講變成寡婦青蘭的陳瀅遭殉葬，其後平安谷就開始發生鬧鬼傳聞，身為平安谷村長的兒子黃浩然當然係開始得悉事件。而今晚就講到黃浩然要背住妻子陳凱琳，在鄉下迎娶父母安排的女子，但其實該名女子一早有意中人，只是與黃浩然做場戲，搞完場大龍鳳，最後的花轎門打開的竟然是陳凱琳！

【平安谷】陳瀅第一集即被殉葬　恐怖鬼故因佢而起
【平安谷】新劇下星期就出街　TVB再拍懸疑片會唔會有驚喜？
【平安谷】蘇玉華最後一套TVB劇？　「我又未死，點會係最後？」

最後黃浩然就同父親劉江坦白，指自己在美國的時候，已經與陳凱琳結婚。但劉江堅持媳婦要門當戶對。至於詳細嘅劇情就唔講咁多喇，但以前的情侶若果違背父母之命去私奔的話，會有咩懲罰呢？首先，私奔呢個情況在百姓家發生的頻率少之又少，發生的多數是富貴家庭，因為受教育較高，青年男女遵循自身意願而違背父母之命時有發生，但當時封建社會盛行「父母之命，媒妁之言」的價值觀，所以不太常見。

咁選擇私奔嘅情侶被人發現嘅話下場係點呢？原來懲罰都幾殘忍，男方會在氏族祠堂中被除名，其擁有的土地被充公，而他亦會人被綁到門板上，用族棍將打傷或者打死；而女方輕則被送返屋企，重則放到井中淹死。總知無論男女，當事人或者其家庭在社會上都是「抬不起頭」。