【平安谷】陳瀅第一集即被殉葬　恐怖鬼故因佢而起

上星期五台慶劇《誇世代》終於播完，幾乎所有觀眾都俾最後一幕佘詩曼驚喜演出嚇一跳。到今晚大家就要開始睇《平安谷之詭谷傳說》喇，這個故事就講述民初的女權劇集，劇中有個地方叫平安谷，他們有個傳統習俗，就是如果老公去世，妻子就要一齊埋葬，重點是妻子需被活埋。劇集監製陳耀全（Andy）接受《香港01》訪問時透露，「今晚首播第一場就係講陳瀅的老公去世，她需要被活埋陪葬。就係因為咁所以令到平安谷之後就有呢條鄉例，繼而呢條村開始就鬧鬼喇。」

【平安谷】新劇下星期就出街　TVB再拍懸疑片會唔會有驚喜？
【平安谷】蘇玉華最後一套TVB劇？　「我又未死，點會係最後？」

他指平安谷這條鄉例都幾殘忍，「 如果老公去世，上無高堂下無子女要照顧，剩下嘅妻子得一個人嘅時候，啲人就會覺得佢孤苦伶仃，唔會係呢條村維持到生計，佢就一定要陪老公去殉葬。而其他人就會幫呢個女人立一個碑，類似係忠貞烈女牌坊。」

Andy表示劇集在頭10集中都會圍繞住殉葬這個主題，仲要找來巴打最愛嘅陳瀅客串演出寡婦一角，他表示因為之前在《全職沒女》中與對方合作過，認為對方係做戲方面好有天分，所以今次特意搵佢飾演寡婦，「佢有同我講拍呢場被活埋嘅時候，因為要在棺材同老公嘅遺體一齊被活埋，個氣氛都令到個心有啲唔舒服，而且仲要得男村民係度得佢一個女仔，但效果出嚟好好，好專業咁完成。」但巴打們最擔心的問題就係Jeannie係咪只有一場戲份？Andy笑言Jeannie之後會有3-4集戲份，今次因為檔期問題所以未能演出整部劇集，因為她被埋葬係劇中好重要嘅主題，咁巴打們可以放心了。