43歲鄧健泓甜到漏娶石詠莉：我哋日日都係Honeymoon

恭喜哂！43歲鄧健泓與石詠莉經過5年愛情長跑，終於在今天（12月29日）拉埋天窗。鄧健泓於10月26日求婚成功，並於今日在九龍灣展貿中心會場舉行婚禮並宴開30席，於下午邀請記者入內採訪。石詠莉甫一出場就接受在場人士祝福，拍照時記者稱呼「鄧生鄧太」時，二人更露出甜蜜的笑容，簡直是羡煞旁人。

鄧健泓和石詠莉接受《香港01》訪問時説，二人最深刻的記憶就是：「（石詠莉）最深刻回憶莫過係自資做第一張唱片。特別係嗰時對幕後咩都唔識，到宜家已經一齊建立咗2個「BB」。（鄧健泓）好感恩，可以自己年紀大咗之後睇返轉頭，我哋都創立咗2個經典。」問到二人婚後的生活。鄧健泓說：「其實日日去親旅行都係honeymoon，我哋成日都俾人話係預支蜜月。」他更開玩笑的說：「我哋已經預支咗3，4次。」

二人拍拖5年，中間經歷其實也不少。被問到新郎對新娘的結婚承諾是甚麼時，鄧健泓説：「承諾我覺得講就好容易，我覺得呢幾年我已經履行咗好多對佢嘅承諾。以前會，宜家會，將來都會。」石詠莉：「我覺得佢同我呢5年時間入面，佢係超乎我想像嘅好。佢嗰種好，係除咗爸爸媽媽俾到我之外，我從未遇到一個人可以俾到我呢個感覺。佢係永遠都唔求回報，真係嘔心瀝血去幫我，為我好。」石詠莉講講下仲眼泛淚光添，真係好sweet吖。