石詠莉黑膠碟為壓炒價加印幾百張　鄧健泓：今次日本印碟效果好差

曾經是跳唱組合Freeze成員的Sukie 石詠莉，2年前，以藝名Sukie S推出發燒專輯《聽聽Sukie’s》。當時唱功被受肯定，在網上大獲好評，榮獲 IFPI十大銷量廣東唱片2015，IFPI十大銷量本地歌手2015 兩大奬項及2015新城勁爆頒獎禮HI-FI女歌手金獎成為新一代HI-FI界的新星。雖然沒有大量資金宣傳及支持，Sukie所推出的黑膠唱片有價有市，亦推出了多個版本，配合不同的HI-FI樂迷。

昨日Sukie在個人專頁為樂迷傳來喜訊，「明天（今天）將會推出《Welcome 2 my destination》黑膠唱片 ，德國制造，由德國著名“老虎魚”  (Stockfisch Records)　工程師以DMM技術重新製作母盤 。」

《Welcome to my Destination 》CD version 其實上年九月已經推出，不過黑膠唱片點解要等差唔多半年先推出？問起Sukie未婚夫鄧健泓，負責幕後策劃的他表示：「其實上次《聽聽Sukie's》係喺日本印製，效果好好，所以打算今次《Welcome to my Destination 》都喺日本印製。點知今次喺日本印咗出嚟效果好差，所以再改咗去德國『老虎魚』（著名黑膠唱片公司）印製，效果回復水準。」除此之外第一隻個人大碟《聽聽Sukie's》黑膠唱片，當時一推出被炒到2千蚊，有見及此，今次加印幾百張希望可以舒緩炒價。

講個秘密你知，今次《Welcome to my Destination》黑膠唱片印刷品由於一早已經完成，所以背面寫著「made in Japan」，如果購買專輯時見到貼紙印上「made in Germany」的話，你忍心張它撕開，就會見到「Ｍade in Japan」了。

石詠莉第二張個人自資唱片《Welcome 2 my destination》，其實於早前已推出首批限量版德國壓製(CD+DVD)，碟內收錄多首翻唱作品，《世紀末煙花》更與許志安合唱。