【誇世代】歐陽震華扮廢青俾人讚 好戲靠人生閲歷：唔係練返嚟
撰文：林迅景
出版：更新：
《誇世代》播映以來，口碑及收視一直都很好。劇中飾演「宋仲基」的歐陽震華(Bobby)演技更加是入型入格。從影卅多年來演出過的無數劇集角色，律師、古裝才子。甚至乎是《誇世代》中飾演與吳業坤交換了靈魂的「廢青」，都似乎難佢唔到。適逢《誇世代》上映以來網民一直讚好歐陽震華的演技。咁Bobby演技咁好，到底佢有啲咩「必殺技」同「秘訣」呢？
日前歐陽震華(Bobby)出席《誇世代》活動，接受《香港01》訪問時說：「宜家先覺得吖？哈哈哈，其實我呢個角色好難做㗎。我要做返吳業坤咁嘅年紀，要做返嗰啲小動作。因為佢喺套戲入面係一個廢青，佢講嘢要牙擦擦同好食懶飛。我角色前段係一個年薪幾百萬嘅i-banker。如果大家有睇都知我第一集係一個遇殺敵嘅人，同吳業坤交換左靈魂之後就變返一個後生仔。」
+4
問到Bobby平常如何練習演技表情時，Bobby就分享説：「我表情唔係練返嚟㗎，係發自內心。唔係練返嚟㗎，係人生嘅閲歷。「練返嚟」嗰個時期已經過咗啦，而家係發至內心。即係而家到我呢啲階段，如果有人話：『Bobby，你做戲好叻，我唔開心㗎。』你覺得我喺度做緊戲我就唔開心。其實我係喺個佈景入面生活緊。所以我喺呢行入面，你會睇到我係一個有血有肉嘅一個人物，唔係話我做戲叻。再高啲嘅層次係希望佢同生活化同自然，唔似做緊戲唔似講緊台詞。不過呢個唔係我講，係人哋講㗎。」
而今日宣傳活動張繼聰就繼續缺席。接受傳媒訪問時談到張繼聰被TVB封殺的消息，Bobby説：「陰功囉！（覺得張繼聰好無辜？）係吖。」不過Bobby就話官司進行中，所以不便多談。