【溏心風暴3】李司棋回應網民爭視后：我都希望唔會令佢哋失望
撰文：黃梓恒
出版：更新：
《溏心風暴3》下星期就隆重登場，大家對頭兩輯的印象相信依然深刻，因為劇中實在太多警世句子，即是金句。而講得最多這些金句的人，一定是飾演大契、荷媽的李司棋，司棋姐一句「呢度唔係法庭，唔需要證據，我對眼就係證據」，至今仍然令人津津樂道。
那麼究竟今次《溏心風暴3》還會不會有大量金句呢？在接受《香港01》訪問時，司棋姐說：「其實金句呢樣嘢真係好得意，可能只係劇情推動，或者演員嘅演繹方法，令到觀眾睇起上嚟好感觸，咁就入咗腦變成金句。其實我都覺得好奇怪，點解會變咗金句，到而家大家仲好記得我話邊個係人邊個係鬼一眼睇得出，其實都係湊巧架啫。今次我哋無著重呢啲，反而覺得時代進步咗，會喺網絡上講一啲潮語，咁我哋戲入面都講潮語，因為要追得上時代呀嘛，例如講一定係除非唔係。我初初拎到劇本，因為我大鄉里喇，我以為會唔會抄錯咗，咩意思呀？我唔講呢啲架嘛，喺拍之前我真係唔識，而家知道，我哋會講好多，俾大家知道我哋追得上時代。同埋根本好多嘢改變緊，我哋唔可以守住舊時嘅步伐。」又來玩潮語，其實TVB近來都玩好多貼地情節，不知道大家又受唔受落呢？
上兩輯其實收視都好好，不過事不過三，通常第三輯的收會都會比較差，在電視方面甚至會爛尾，所以有些人都說《溏心風暴》系列應該見好就收。不過看來司棋姐並不擔心這個問題，她說：「我而家睇就唔係好擔心，因為我哋都做咗好多宣傳工作，有啲工作人員其實已經睇晒，佢哋都話好好睇。初初我哋係咁問人架，咁佢哋都話好好睇，而家個心就定落嚟囉。（爭視后？）我哋幾廿歲人唔諗呢啲架喇，（網民想你攞喎？）我都希望唔會令佢哋失望，但我一向對呢啲嘢嘅取向，唔係去計呢樣嘢，我只係想大家睇完都會記得我，記得火姐。」
+5
想知更多司棋姐在戲中跟關菊英、米雪和阮兆祥的恩怨情仇，就要睇片喇！