【後生仔傾吓偈】港大流出Hall雞傳聞　麥明詩未聽過：英國無呢啲

無綫 J2 綜藝節目《後生仔傾吓偈》一連四集的台灣篇播完，今集返回香港主場，而在台灣篇無出現的主持麥明詩（Louisa）就正式歸隊，已經缺席多集的另一主持馮盈盈則依然無影。最新這集講大學宿舍生活，其中講到宿舍嚴禁異性夜訪時，大家即熱烈討論學校應否管束學生與異性相處，Louisa亦不負眾望大爆金句表示：「如果學校的男生女生全是處男處女，我覺得會影響學校的聲譽。」再次令全場嘩然，有人謂不明白當中意思，也有人直言不認同Louisa的說法。

香港01記者就電話訪問了Louisa，了解一下她為何會說出這樣的一句話，Louisa說：「我覺得同異性相處係個人嘅選擇，社會唔應該對呢方面有咩judgement。大學係一個自由嘅地方，係可以畀年青人成長同作出唔同嘅嘗試。如果咩都要監管住，咪就好似直昇機家長咁，如果缺乏自我成長，接觸新事物嘅機會，將來出到社會帶嚟嘅衝擊會仲大。所以唔可以太過抑制啲學生，應該畀空間同自由佢哋去體驗生活，有作出選擇嘅權利，唔影響到其他人就無問題。當然我唔係淨係指性方面，呢樣只係其中一項，我嘅意思係包括各方面。」

而Louisa在節目中又講起自己在英國住宿舍時因為懶走去洗衫，故會準備定40條內褲，等穿完才儲埋一次過拿去洗，對此她說：「我個人比較慳時間，做嘢鍾意符合經濟效益同效率，40條一齊洗最好，而且同一類嘅衣物一齊洗都會乾淨啲。」

那麼她住宿時仲可以有幾懶呢？「我試過成個星期一日三餐都係食cereal加牛奶，臨考試前就會咁樣，連瞓覺都唔夠時間，成個星期先會出去買嘢。」不過幾忙都好，她都有打掃宿舍：「一定唔會有蛇蟲鼠蟻，我係亂啲啫，但唔係污糟，就算啲衫未洗都會用個袋裝好。垃圾都會日日清理。」

另外，節目中來自香港大學的楓就表示聽過一個「Hall雞」傳聞，即在宿舍裏賣淫，他說：「我喺港大聽過個傳聞，通常係啲exchange返嚟嘅學生會咁做，佢哋想賺啲外快。我係聽朋友講嘅，佢哋點樣營運呢，好似就係擺支熒光筆喺門口，就代表有咁嘅需要，第二日就會有人嚟接觸佢。因為曾經有某個hall嘅保安report過，之後又上埋新聞，而嗰間hall有啲學生都親證係有咁嘅事，我就確定原來真係咁樣嘅。」

不過節目中的其他人似乎就不太相信Hall雞這個都市傳說，Louisa亦坦言未聽過：「我唔係喺香港讀大學，所以無聽聞過呢啲傳言，英國嗰邊都無呢啲嘅。」她又直言不認同香港某些大學宿舍的收生制度形同搞小圈子的做法：「咁樣就無辦法共融，要有唔同想法嘅人走埋一齊，先可以啟發到大家，咁先會有進步，同有新思維。」