【爸爸去哪兒】陳小春唔夾餸比仔仔　Jasper餓爆半夜偷食餅乾

《爸爸去哪兒》第5季正式開播，大家關注的除吳尊兩個優良基因的仔囡外，當然唔少得香港代表陳小春，尋日節目一出，馬上成為節目焦點，皆因內陸觀眾對他早年拍攝的電影《古惑仔》印象深根蒂固，搞到其他藝人以為陳小春現實都好似「山雞哥」咁霸氣兇狠，所以見面第一件事就叫「春哥」，可見大家都對他敬畏三分。

講明係《爸爸去哪兒》內容當然關於父子之間的交流互動，觀眾們似乎非常期代霸氣的小春究竟會用咩態度照顧Jasper，小春硬漢與慈父的形象反差更令人吸引。結果昨日節目一出，觀眾覺得Jasper年紀細細已經非常生性，而且經常賣萌，反而陳小春就反老還童，變左個大細路，經常發嬲鬧Jasper。

繼之前Jasper叫小春：「Can you stop angry now」，陳小春食飯的時候又有得意事發生。當各個爸爸完成中午任務，帶著小孩吃飯的時候，看到桌上一大堆海鮮美食，身為爸爸的他們當然替孩子剝殼、剔骨，方便小孩食用。正當劉畊宏為小泡芙剝蜆殼，小泡芙食得津津有味之際，鏡頭轉到陳小春父子上，看到他竟然獨自夾魚，毫不顧及Jasper，一口放到自己口中，搞到Jasper流哂口水，眼碌碌地望著小春，望到都心酸。

不知Jasper是否中午沒有吃飽，回家後他襯小春不在附近，馬上偷吃餅乾，認真可愛。不過返到香港，老婆看到可憐的Jasper會怎樣對付小春了。