【爸爸去哪兒】細路有個嘻哈夢　吳尊囡囡NeiNei Rap盡主題曲

大家仲記唔記得上星期湖南衛視首播《爸爸去哪兒5》，結果就播咗個先導片出來，雖然觀眾有少少不爽，但有得睇梗係睇住先，終於等多一星期，今日湖南衛視正式首播第一期！不過大家未開始睇節目，剩係睇到節目主題曲的製作花絮，聽到一班大小細路一齊唱主題曲已經High到爆。

前幾日《爸爸去哪兒》公開了新一季的主題曲，MV中吳尊父子率先亮相，3歲細仔Max 萌爆大叫：「我們最遠最遠可以去哪兒阿！」，吳尊開心地笑了笑，向Max拍了一個High Five，超級溫馨。之後鏡頭轉到陳小春和Jasper，望到二人鬼馬咁錄音，完全唔似錄音，場面非常搞笑。除了這兩對父子外，劉畊宏與女兒小泡芙都有合唱，當中的互動十分有愛，而擔任實習奶爸的鄧倫更自爆：「這是第一次當你的老爸，我的心情都有點複雜。」

最好笑的是，近期《中國有嘻哈》熱潮紅遍天，《爸爸去哪兒》也要嘻哈埋一份，所以今季主題曲一轉曲風，加入了HipPop元素，在主題曲尾段也要FreeStyle一下。擔當著「爸爸去哪兒Rapper」的就是吳尊大囡NeiNei，當大家以為她會萌爆Rap，點知一開口就串老豆：「嘿，我的老爸說自己帥炸，被老媽diss卻史上最尬，如果那alpha敢和你吵架，我就用freestyle為你開外掛。」真係殺吳尊一個措手不及。看到今季的組合那麼可愛搞笑，大家準備好去看第一集未？