【功夫聯盟】劉鎮偉新片未上被批唔好睇　穿越題材葉問黃飛鴻同場

近年大導演劉鎮偉執導的電影都大不如前，雖然都是貫徹有喜劇元素，不過大家都不賣帳，反而認為他食老本已經江郎才盡，所拍的作品都被吐嘈一片。繼今年翻炒《少林足球》推出《仙球大戰》一片，爛到連內地觀眾都話唔想睇之外，現正拍攝中預計明年推出的功夫喜劇《功夫聯盟》，未上映觀眾都話無興趣睇，請劉大導唔好再拍好好退休，他已經被標籤為「爛片」王了。

所拍的作品一直被吐嘈，劉大導一點沒有在乎一直在拍，大家其實都不感意外，因為知道都是為了一個「錢」字。而新電影中劉大導加入了現時最火紅的穿越橋段，而且將中國不同時代的英雄人物齊集，黄飛鴻、霍元甲、陳真同葉問同框，一齊對抗敵人消除惡勢力的故事。而這部電影事實上都被稱為中國版的《復仇者聯盟》，連製作方都承認《復仇者聯盟》的確給了這部電影許多靈感。

而這四大宗師將會由杜宇航﹑陳國坤﹑趙文卓﹑安志杰飾演，四人將會來個大穿越。劇情中將會展現四大宗師的好功夫之外，亦加入了愛情元素，內地女星麥迪娜將飾演十三姨。而不講不知趙文卓今次已經是第四次出演黄飛鴻，睇他一身的造型，令不少人仿佛看到當年的趙文卓，不過皆因是劉大導的作品照樣不賣帳。

事實上，近年劉大導的作品真是令人大失所望，其實都唔可以怪觀眾會有這樣的想法。《大話西遊3》﹑《仙球大戰》…都被批爛到無可再爛，由其是後者被稱為史上最高爛片。而今次《功夫聯盟》都未上映就已經有一大波惡評，可想而知劉大導在觀眾心中的口碑已經有了一個定位，好難會復原。其實又係嘅，就好似「破鏡重圓」理由一樣，即使能重圓又始終會有一道裂痕在，永遠都會忘不了。劉大導一而再再而三推出爛片，其實大家已經有既定印象知道不會再花錢去睇，對他的作品都標籤「爛」。有網友仲搞笑話即使有免費飛都不會去睇，可想而知…劉大導真是要好好「停一停，諗一諗」。