【食老本】劉鎮偉拍星爺版《西遊記》做劇集 邊個做紫霞仙子？
撰文：劉健華
出版：更新：
《西遊記》拍過N咁多次，最經典依然係廿幾年前星爺做主角的兩集《月光寶盒》同《仙履奇緣》，到現在仍不停被loop，當年的導演劉鎮偉時至今日仍在食這《西遊記》老本，但拍過幾集又唔係好得，他似乎相信是電影的問題，咁不如試試拍做電視劇啦。
去年已經開拍、劉鎮偉任監製的內地劇《大話西遊之愛你一萬年》，終於會在9月播出，睇個名都知道「又係」來自星爺的經典對白「曾經有一份真摯嘅感情……我希望係，一萬年。」誰知就連劇中橋段、對白都是搬字過紙，都是至尊寶用月光寶盒（變了做兩個碗）穿梭時空，得知自己是孫悟空轉世，最後隨唐僧走上取西經之路，只不過人家電影是兩集，電視劇就做夠40集，「愛你一萬年」隨時要分開五集來講。
大家最關心當然是卡士，當然唔會有星爺，男主角至尊寶找來（又係）小鮮肉黃子韜飾演，就不要硬拿他與星爺比較了，至於女主角紫霞仙子反而頗值得留意，因為找了個北京電影學院表演系畢業的新人趙藝飾演，外形算幾討好也有點點當年朱茵的感覺，但劇中她似乎太刻意扮朱茵，能否像李一桐般一劇彈起，就要看這套翻版劇的收視有幾高了。