陳冠希囡囡正面曝光　眼大嘴細似媽咪多啲喎！

陳冠希（Edison）和秦舒培的愛女於三月出世，一直都收收埋埋、神神秘秘咁，直到6月時好友洩露囡囡的百日宴相之後，Edison似乎開始豁出去，間唔時都會係Instagram晒下愛女的「腳仔相」，不過女兒的正面就從未曝光，直至今日Edison終於都在Instagram甫出一張囡囡的大頭相，仲寫埋囡囡名字「A L A I A」。

睇返張相，囡囡的五官好標緻，眼大大，皮膚白雪雪，櫻桃小嘴，就咁睇同媽咪秦舒培似樣啲，好多網民都大讚Alaia好可愛，又話不敢相信連Edison都做爸爸了，希望Edison再生個仔，湊夠個好字：「太可愛了吧」、「小孩長的就是快」、「好可愛 冠希哥都當爸爸了 真快」