【又係你呀陳生】陳冠希Po相曬命　囡囡腳踏大堆銀紙

陳冠希唔鍾意記者又唔鍾意俾人報道，偏偏經常製造話題驚人唔記得佢咁款！今年3月同國產model秦舒培誕下囡囡Alaia之後，囡囡的樣子甚少曝光，但係充滿父愛的Edison又忍唔住喺ig放囡囡腳仔相惹人注意，日前佢再次po囡囡腳仔相，今次仲激，因為囡囡腳仔竟見到一疊疊銀紙。

上月陳冠希為囡囡擺百日宴，網上流出這張照片，陳冠希手抱的BB被指就是佢囡囡Alaia。

本來po下囡囡相係充滿愛同純潔，但係相入面有好多疊銀紙，分別用橡筋紮住，本來唔係好睇得出係銀紙，但偏偏Edison寫住：「Young Money」，意思係剛剛賺到一筆錢，或者年輕人可以花嘅錢，同BB女有乜關係佢冇講，但成個畫面就被網友批評好俗氣同埋Edison炫富喇！

陳冠希同秦舒培今年3月誕下女兒Alaia。

有網友留言：「用錢堆起來的孩子」、「實打實的炫娃炫富」、「Money is dirty to baby soft skin」、「她有好多錢啊」等等，不滿Edison將萬惡嘅金錢同BB女扯上關係。所謂「成功需父幹」，老豆賺錢養仔好合理，但曬錢又曬命，將來個女睇到可能有樣學樣囉！

網友留言好抵死，問他「還缺女兒嗎」。

Edison較早前都有po過囡囡腳仔相，留言「EVEN I CANT HAVE THESE」，女裝鞋喎你梗係冇啦。