林明禎出活動提到Edan同樣接拍啤酒廣告即面露尷尬:我好想打你

林明禎今日（22/10）現身鰂魚涌出席啤酒品牌宣傳造勢活動。明禎受訪時透露今年已接拍多個廣告，但相比上年還是少一點，不過覺得自己已經很幸運：「因為今年我要出新歌，咁所以要花好多時間喺我新嘅作品上，而呢首新歌已經面世，希望大家都會鍾意。另外我都計劃緊，今年會再出第二首唔同風格嘅歌曲。（會唔會問Edan音樂上嘅意見？）我會問其他朋友藝人去了解這個部分，我喜歡自己去玩這個東西。」

被問到鍾唔鍾意飲酒？明禎表示：「其實我同屋企人都好鍾意飲酒，因為我兩個細佬同家姐媽媽超鍾意飲，仲要日日飲㗎，已經係一種習慣。（有冇飲醉酒？）我覺得飲酒係一種氣氛，我係會慢慢飲，咁所以我係未醉過。因為我覺得飲酒係要有分寸，因為我見過我細佬飲醉酒好恐怖，因為隔日佢哋係好辛苦。我覺得飲酒係開心，唔需要俾自己辛苦。（你同Edan分別接拍啤酒廣告！）哈哈，我好想打你。（有冇同佢飲過？）其實我同屋企人飲多，同埋都會搵埋其他朋友飲嘅。（Edan都係你朋友！）哈哈，大家有冇聽我嘅新歌呀?」