Lolly Talk成員Tania憶起愛犬離世不禁落淚：唔知咩時間會放得低
撰文：吳子生
出版：更新：
Lolly Talk女團8位成員今日（22/10）現身荃灣出席HOY TV全新節目《Lolly Lolly寵物拯救隊》記者會，成員之一Tania（陳紀澄）接受《香港01》訪問時，分享養狗心得之餘，亦提及飼養七年的愛犬毛毛因一次手術後不幸離世時，不禁落淚：「喺上年嘅時候，幫佢做咗個椎間盤嘅手術，前後做咗兩次手術，但手術係成功，但因為佢身體吸收太多藥物，導致佢身體未能負荷得到，最終我哋屋企人決定放手俾佢走。」
Tania哽咽說：「幫佢完成咗身後事之後，我哋將佢嘅骨灰都放咗喺屋企，到而家都會時不時都會諗起佢，變咗我唔知道咩時候我先會放得低⋯⋯⋯」Yanny（劉綺婷）在旁安慰接著說：「其實係好難，始終陪伴咗自己咁多年嘅寵物，其實就好似自己親人一樣，係好難一時三刻話放低就放低。我記得讀小學嘅時候，我屋企人係領養咗一隻老狗，然後係睇住年慢慢老去離開人世，我係喊咗幾日，咁所以係好明白佢嘅感受。」