【流行經典50年】蕭正楠被遺忘的歌手？ 孖住曹永廉唱《當年情》
撰文：溫菁莉
出版：更新：
「雪雪雪~」齋講呢句，你都知我講邊個。無錯！就係講緊蕭正楠（Edwin），不少新一代的觀眾一見到都會以為他演員出身，但你又知不知其實蕭正楠一出道是歌手來的。Edwin晚上就上好兄弟曹永廉的節目《流行經典50年》唱歌，簡直要用寶刀未老來形容他的聲音。好可惜的是今晚Edwin在節目中只唱一首歌還要是同曹永廉合唱《當年情》，獨唱都係佔10幾秒，完全唔夠喉！雖然唔夠喉，但佢同曹永廉合拍度可以媲美不少組合，兩位一邊唱歌一邊搞gag，可以考慮下一齊搞嗰boy band！
但聽他唱經典歌又真的唱得好好，唔明點解TVB不快啲幫佢出專輯。話曬當年初出道他有唔少嘅歌曲，到宜家仲有人loop緊，好似《十個分手的理由》或者同關心妍合唱《特別鳴謝》。相信有不少粉絲都會認為Edwin有一把好歌喉，未能再出碟做歌手而感到可惜。但現在Edwin已經榮陞TVB一線小生，大家應該都為他感到高興！其實近年蕭正楠在TVB除了拍劇，都有為劇集唱下主題曲，例如去年《一屋老友記》》同今年《親親我好媽》，但最經典一定要數2013年同視帝陳展鵬為劇集《巨輪》唱同名主題曲，聽到係咪都想即刻唱返幾句呢？！
講返當年蕭正楠2002年出道，同期還有麥浚龍和余文樂，雖然這兩位實力十足，但Edwin仍以大熱姿態橫掃當年多個頒獎禮的新人獎，鋒頭簡直係一時無兩。