《第32屆金唱片》李遐怡唱《Breath》不忍落淚　堅持唱完成首歌

一連兩日嘅《第32屆金唱片》（Golden Disk Awards）快將接近尾聲，各大獎項都即將有主人認領。今朝亦都有同K-pop迷預告過，李遐怡會唱出由SHINee已故成員鐘鉉作詞作曲嘅《Breath》，今日李遐怡就以一身黑色長裙站上《第32屆金唱片》嘅舞台。

李遐怡唱出由SHINee已故成員鐘鉉嘅《Breath》一定係全日最令人心痛嘅舞台。

李遐怡唱到一半忍唔住流淚。

年僅21歲嘅李遐怡經歷失去娛樂圈好同僚後，再喺舞台上唱出呢首咁令人感觸嘅歌，其實一啲都唔容易。演出中，李遐怡都好努力咁堅持唱完《Breath》，要帶住感情唱出令人心痛嘅歌詞，令到李遐怡唱到一半都忍唔住背對鏡頭、背對觀眾拭淚。

成始璄大讚鐘鉉係個好出色嘅音樂家。

而觀眾都紛紛給予李遐怡熱烈嘅掌聲以示支持、鼓勵，最後李遐怡都堅忍抺去淚水，繼續唱完整首《Breath》，再度獲得大家鼓勵嘅掌聲。雖然李遐怡唱完之後並無發表任何感言，但我哋都知佢嘅心痛以及掛念。最後《第32屆金唱片》主持成始璄同姜素拉都表示「鐘鉉係一位好出色嘅音樂家同DJ，祝願一路好走。」

下載《香港01》App，更多韓星靚相、影片率先睇！

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/