【誇世代】劇情大暴走變打喪屍　陳豪做宇宙大王係咩玩法？

《誇世代》今個星期就大結局，所以劇情走向都已經去到尾聲，尚家已經開始支離破碎，Fanny（朱咪咪飾）和Mike（陳豪飾）的報仇計劃已經愈來愈接近完成。不過卻被Paris（李佳芯飾）開始識穿他們的詭計，雖然她選擇相信Mike，卻可能為之後的慘劇埋下伏線。

其實劇情係點根本唔重要，因為《誇世代》最後將會劇情暴走！除了尚家自己內亂，尚董（馬海倫飾）一夜白髮，阿六（龔嘉欣飾）背棄家族之外，之後仲因為坐時空的士發生錯亂，所以去了另一個空間。至於在那個空間，除了有喪屍之外，之後又唔知喺咩空間，Mike成了宇宙大王，真係唔知搞邊科。不單止這樣，最後連蝴蝶效應都出埋，本身Mike已經被車撞死，但因為Walking（張繼聰飾）和宋仲基（歐陽振華飾）用時光機救了他，搞到歷史錯晒，之後劇情係點？睇落去喇，仲有最後四集渣！