【消委會】3萬蚊電解水機被指飲壞人　用家：飲完腸胃好改善濕疹

消委會今日發表報告，指今年接獲多宗涉及銷售水機或濾水器的投訴，其中包括有公司在推銷時稱，電解水不用煮沸便可直接飲用；但投訴人指，在飲用電解水兩天後，全家都出現持續肚瀉及頭痛等症狀；不過，《香港01》接觸到一名使用電解水機近兩年半的用家，她直言每日飲用電解水，覺得效果良好，縱然消委會舉出案例，她依然力撐電解水的功效，更認為有關個案可能是未適應所致。

任職香薰治療師的Vivian約兩年半前，在公司安裝電解水機，「三年幾前，有朋友裝了電解水機，話飲咗之後腸胃好咗，於是自己去了解更多關於電解水的特性。」Vivian表示，當時是經過深思熟慮才購買，「始終價錢太貴，三萬元一部機，自己都考慮咗一年先買，之後部電解水機放喺公司，主要原因係方便同事，就算買樽裝蒸餾水，都要擺部機，又驚飲晒唔記得叫水。」

電解水浸腳改善濕疹

飲用電解水近兩年半，Vivian對電解水的意見十分正面，「開頭飲pH8.5酸鹼值，好似無乜反應，只覺得味道好似甜咗同滑咗，後來慢慢增加酸鹼值到pH9.5，就覺得排便暢通好多，每日都可以有兩次排便，甚至每星期拎水去俾奶奶飲，奶奶亦話血壓降低及排便有改善。公司同事亦認為電解水『有料到』，有同事每日都會拎水返屋企，用來浸腳，感覺濕疹有改善。」保養方面，Vivian表示大約每年更換一次濾芯，「除了用檸檬酸清洗，個濾芯廠方話6,000公升先換，不過無計到咁盡，大約一年換一次，都係幾百元。」

不過，Vivian表示轉用電解水機後，飲水比以往較多，「都有可能係飲得水多，令到排便好咗，不過有時放大假，成個星期冇飲，又真係覺得冇咁暢通。」

對於消委會所公布的電解水個案，Vivian認為可能是個案中的用家，身體未適應所致，「初初飲電解水，最好由較低的pH值開始，唔好一開始就揀太高嘅pH值，等身體適應之後，先慢慢提高。」Vivian對於消委會的報告未有太大反應，「都會繼續飲。」