【路政署慳皮？】堅尼地城站Ｃ出口得一支路燈　入夜後變第三世界

香港經常被指光污染嚴重，但若果在繁忙的街道上，竟然只有一盞昏暗的街燈照明，大家又能否想像？堅尼地城港鐵站C出口士美菲路和科士街交界，因缺少路燈，入夜後便猶如第三世界，又樓梯又斜路，居民在燈光昏暗下，亦常被絆倒受傷，惟投訴半年，情況仍未改善。

當區區議員楊開永向《香港01》指，不時聽到街坊投訴該地段極爲昏暗，對老人家來說尤其危險。「好多人都經過呢個位，可以話係堅尼地城中心點。但唔知點解可以咁黑，得一盞街燈。年初曾經有老人家唔小心仆親！」

他表示，該處附近有斜路和樓梯，路人在昏暗燈光下容易絆倒。「你知啦，好多人由地鐵站出嚟，站内好光，但一出到去咁鬼黑，對眼會適應唔到，好唔舒服。」一眾中西區區議員今年上半年曾去信區議會要求政府正視有關問題，希望路政署可以增設路燈和交待相關的投訴數字。

路政署回覆指過去三年，只收到一宗關於堅尼地城港鐵站C出口燈光不足的投訴。楊開永表示，在2017年5月署方曾經增加一盞路燈，但對整體亮度提升沒有太大幫助。「同一個燈柱度，加多一盞變做T型兩盞設計，但又無特別光咗好多。」署方承諾今年會更換更高瓦數的路燈，增強照明效果，工程會在今個月內完成。楊開永指：「不過到𠵱家都未有聲氣，10月都完啦，希望快啲動工啦。」