快遞員凌晨5點送貨上門放門口 網民反應兩極：朝早無人收貨好煩
撰文：冷麵婆婆
出版：更新：
集運送貨應否放門口？最近有網民於Facebook群組分享指，自己在凌晨時段收到快遞員送上門的貨品，但快遞員放置於門口後僅以短訊通知。帖文一出網民反應兩極， 有人認為早上時段無人收貨好煩惱，有人就質疑放門口或會被偷件！
快遞員凌晨5點送貨上門放門口 網民反應兩極：朝早無人收貨好煩
平時集運多為上午或下午時段送貨，然而有網民就竟然曾於凌晨時份收件！最近有網民於Facebook群組分享指，自己收到快遞員傳來的文字訊息，稱「淘寶送貨，已放門口」，時間顯示為早上5時46分，事主翌日形容「呢個送貨好強勁，未夠6 am就送貨，我要向呢位人兄致敬」，引來大批網民熱議。
👉👉👉好食玩飛Instagram官方帳號開咗喇！請Follow我哋：https://bit.ly/38tlS4l
對於半夜送貨，原來有不少人都曾有所體驗。「我都試過半夜4點收貨，聽到門口有聲，一開門一堆貨」、「以前貓超都成日半夜送貨，我最晏試過夜晚12點幾收貨，好彩未瞓」、「上次我05:10送到鋪頭門口，前一晚通知我會早上，但冇諗過咁早」。
不過都有人指出，不少快遞員未到早上9時就上門送貨，除了會不斷致電收件人，部分更會不斷按門鈴，苦呻「收完貨之後瞓唔返」。有見及此，網民認為事主碰上的快遞員相當貼心，直言「我都想有啲半夜收貨，返工日頭無人收貨好煩惱」，更有人分享「試過朝頭早10點都唔會撳鐘，然後會寫張紙貼喺啲貨到勿動，再send WhatsApp俾我」，看來相當細心。
+2
然而，並非人人接受放門口，有人認為深夜或者凌晨送貨上門，對於上班族而言或更加方便」，但認為前提是需要有好鄰居，直言「擺門口唔撳鐘通知，俾人偷咗點算？」大家又怎樣看呢？