慎入！打工仔至愛茶記現原隻小強湯　事主：攪攪吓見到條長毛紅棗

天氣漸轉涼，不少人食飯或想飲啖湯滋補一下。近日有網民爆料指，在大圍一間知名連鎖茶餐廳的午餐餐湯內，驚現原隻巨型小強，相當嘔心，而事主身邊同事更是在飲完另一碗餐湯才得知事實，當場「去咗嘔」！今次強硬被加料唔慌唔「滋補」，可謂蒙上巨大陰影！記者曾就事件向涉事店舖查詢，惟至截稿前仍未獲回應。

打工仔至愛茶記驚現原隻小強湯　事主：攪攪吓見到一條長毛嘅紅棗

本地知名連鎖茶餐廳「紅茶」相信是不少打工仔至愛，但最近有分店就疑涉食物衞生問題。有網民昨日（30日）在Facebook群組「荃灣茶餐廳及美食關注組」發帖並貼出照片，指在大圍「紅茶」購買午餐，在附送的餐湯內，竟然驚現一隻巨大蟑螂，非常嚇人。

事主接受《好食玩飛》訪問時指，臨近午餐時段著同事幫忙出外前往「紅茶」買外賣，並點了一碗餐湯：「食完飯，諗住飲湯，叫咗白湯，開蓋見到黃色，就攞隻匙羹攪下睇吓乜湯，跟住見到有一條好長毛嘅紅棗，望真啲原來係成體強仔（蟑螂）」，令他大感嘔心。

👉👉👉好食玩飛Instagram官方帳號開咗喇！請Follow我哋：https://bit.ly/38tlS4l

未飲落肚前及時發現，避過一劫固然舒一口氣，不過未必個個都如此「幸運」。他續指， 自己習慣吃完飯再飲湯，而他的同事則是飲完再吃飯，形容「之後同事見到就走左去嘔」。

至於被問及店方如何處理，他表示，當時店員得悉事件後「問我飲咩湯、畀過碗湯我」，即獲事主反斥「仲飲？」令人哭笑不得。及後，店方欲退回一個午餐的費用予事主，他拒絕接受，並指同事已向食環署作出投訴。

他坦言：「我係因為有野做出唔到去食飯，所以叫同事幫手買外賣」，相信以後對白色及黃色湯品定會有陰影，強調日後應該不會再光顧有關店舖。記者昨日（30日）曾就上述事件致電涉事餐廳作出查詢，惟獲店員告知不清楚事件來龍去脈，該店負責人目前正值放假須待回覆，至截稿前仍未獲回應。