港人鬧去觀塘食西餐好戇居 低CP值兼污糟邋遢 網民：呢樣真駁唔到

觀塘作為香港美食聖地，當中一座駱駝漆大廈，所隱藏的美食小店多不勝數，吸引無數市民專程朝聖。但近日有網民卻指「去觀塘食西餐好戇居」，大鬧低CP值兼不夠正宗，有網民表示好認同，亦有網民奮力反駁！

港人鬧去觀塘食西餐好戇居 低CP值兼唔正宗 網民：呢樣真駁唔到

好食玩飛Instagram官方帳號開咗啦！請Follow我哋：https://bit.ly/38tlS4l

有網民於Facebook群組「X官塘老母群組」中發帖詢問：「覺唔覺啲人去觀塘工廈食西餐都幾戇居」，首先批評觀塘用餐價格普遍不算便宜，基本上與港島地舖餐廳價錢相約，甚至更貴，卻只能食到普通貨色，「MK仔煮碟意粉比你都收成百，煎塊豬扒都收$200」，大鬧西餐不夠正宗，直言「唔明憑咩收咁貴。」

樓主又稱，觀塘工廈環境污糟邋遢，水質相信亦好恐怖，加上工廈外牆甩皮甩骨，搭𨋢排隊熱到中暑，讓他感嘆「見到都唔開胃」，更嘲笑「人哋問你去邊度食好嘢，同人講『喺駱駝漆大廈入面』真係笑X死人咩？」更讓他質疑「究竟咩人可以去觀塘工廈食西餐仲可以津津有味？」

樓主連珠發砲大數3宗罪，包括：低CP值、污糟邋遢、不夠正宗，有網民留言表示「呢樣真，駁唔到」、「食景又冇，食服務又冇，成件事氣氛好MK，但價錢一D都唔MK」、「最搞笑係仲要等𨋢上落」，講起水質更有網民分享「啲水......真係恐怖。舊工廈嘅水係黃色！」

有該區居民看到留言，都表示難以反駁，「個個嚟到觀塘區問我『觀塘有咩好嘢食呀？』我都係秒殺『冇呀......』。談論到為何講到似美食沙漠般的觀塘會被吹捧成美食聖地，有網民認為觀塘餐廳靠包裝才獲得如今地位：「『隱世』兩個字值錢啊嘛！」

有不少網民齊心聲討觀塘，亦有部分網民持反對意見，認為「過咗海你講嗰個價錢絕對埋唔到單，百零二百蚊想食到啲咩高級靚扒，同喺淘寶搵真貨一樣難」，帶出一分錢一分貨的道理，指「你畀得呢啲價錢就唔好預有咩靚嘢食」。

亦有網民指，不少觀塘隱世餐廳的確名不虛傳，有真材實料。網民大讚「我淨係知鰹烏冬同慢煮屋好好食」。另外早前有網民大讚的豪隍點心工房、The Cool Cousins亦獲得不少好評。

有網民對樓主講法嗤之以鼻，反鬧「個飲食市場咁大，真係只分高級同低級？再者觀塘工業區都變咗好多年 (購物、服務、娛樂、飲食) ，唔通買完嘢又要搭程車過海去食個高級豬扒咩？再者食唔食係你情我願，貴唔貴值唔值因人而異，到依家個區咪一樣咁旺場，睇野唔係睇一面嘅！」

網民持續熱議，似乎好難取得共識！大家又認為觀塘是否稱得上「香港美食聖地」的稱號呢？