網民盤點酒樓最垃圾點心 細個食畀阿媽鬧 唔識欣賞依樣冇資格飲茶

有網民於LIHKG討論區中，以「最垃圾既酒樓點心？」為題發文熱烈討論，紛紛列出酒樓最垃圾點心。有網民話其中一款「細個話想食比老母話」，卻有網民話不懂欣賞這樣點心，實在無資格飲茶！

網民盤點酒樓最垃圾點心 細個食畀阿媽鬧 唔食欣賞依樣冇資格飲茶

有網民以「最垃圾既酒樓點心？」為題，於LIHKG發文展開討論，首先拋磚引玉講起棉花雞及雞扎簡直猶如垃圾：「首先依兩舊嘢有咩分別都冇人知，求X其幾舊肉幾舊菇，搵塊皮包住就叫點心，賣相樣X衰到，成陣窮酸味」，獲稱「點心界部隊鍋」。

好食玩飛Instagram官方帳號開咗啦！請Follow我哋：https://bit.ly/38tlS4l

不過有雞扎粉絲出列護航，表示「要整一籠靚既雞扎係一啲都唔容易，樓主太膚淺啦」、「唔識欣賞雞扎嘅人無資格飲茶」。究竟雞扎是否垃圾點心，似乎仍有待商討，難以一時三刻有定論。

氣候有網民就話芒果布甸亦是垃圾，相信是因為製作成本較低，「CP值」不算高，因為才榜上有名。另一樣因為「CP值」而上榜的有蒸饅頭，該網民分享慘痛童年回憶：「細個話想食比老母話」，相信是當年赤持家有道的母親大人曾下懿旨，食饅頭難回本！而第四樣被網民熱烈談論的點心，非粉果莫屬。有網民用多個髒話來形容粉果味道：「粉果臭X到XX」！

至於鼎鼎大名的港式叉燒包，亦竟然有被網民提及，而原因亦相當弔詭，話：「諗起十幾年前有個朋友，佢做啲街鋪茶檔，有次飲完酒去搵佢，見佢整點心，有部唔知搞肉機定乜嘢，見佢係咁扔啲野入去搞，個廚房七國咁亂，又有甲由。有隻甲由係張抬經過，佢一手拍X死，扔埋入部機到搞」，腦海想到畫面已經心慌慌。不過現時酒樓衛生，相信已經不會再出現網民描述的「小強叉燒包」！