港爸媽帶小童食Omakase提3大無理要求！要求燒熟魚生+湯浸醋飯

近日有網民發文分享自己於一間廚師發辦（Omakase）餐廳的用餐經歷，指當時鄰坐的港爸媽帶同小童用餐，向師傅提出3大無理要求，包括要求兒童餐、將魚生煮熟、以湯浸飯等，令他直呼「大開眼界」！帖文引來大量網民討論，有人認為食飯不應被師傅控制，亦有人指港爸媽是西客，看法兩極。

港爸媽帶小童食Omakase提3大無理要求！要求燒熟魚生+湯浸醋飯

好食玩飛Instagram官方帳號開咗啦！請Follow我哋：https://bit.ly/38tlS4l

近日有網民於Facebook熱門群組「香港Omakaseおまかせ關注組」發文，分享自己於深水埗廚師發辦（Omakase）店——宗像屋的用餐經歷，指自己2人到餐廳享用Omakase，鄰坐港爸媽帶同小童用饍，向師傅提出3大無理要求，令他直呼「大開眼界」。

強行多1個人食！3大無理要求　兒童餐/將魚生煮熟/麵豉湯浸飯

事主指，同場吃Omakase的客人為4位大人及1位小童，指該組客人「訂枱四人，即係多咗一個小童」，事主雖然描述「個小朋友好乖」，但亦表示餐廳於入座時曾向該組客人說明小童「冇得食」，惟該組客人指「咁我叫個大人過來食」，最終以4大1小入座。

在要求兒童餐不果後，事主指鄰坐客人提出3大無理要求：

首先，該桌客人要求師傅「將所有魚生煮熟」，方便兒童食用。起初師傅堅決拒絕，但幾番討論下，師傅最終無奈將中拖羅等魚生燒熟。其後該客人再挑剔生蠔的大小及形狀，認為自己的生蠔與同桌友人的生蠔有差別。師傅回應道：「因為隻生蠔係天生，係會有少少差別」，而在師傅轉身離去後卻表示「唔緊要啦，我都唔食生蠔」；客人再要求將本應為結尾料理的麵豉湯即時上桌，及加入飯製成湯飯供小童食用，雖師傅表示飯為醋飯，但客人堅持下唯有妥協。事主將過程撰寫成貼文，更表示整個過程如同見證傳說一樣！

網民看法兩極！

帖文引來不少網民熱議，看法兩極。有網民認為「師傅話OK咪得囉」、「真係無理師傅都趕咗佢走啦」。

另一邊廂，有網民認為該組客人行為有過火，直指他們是「西客」、「生仔真係要考牌」、「去廚師發辦既餐廳唔比廚師發辦」等。亦有網民指「通常係可以額外叫烏冬比小朋友」、「我會睇咗餐牌有無嘢啱小朋友食先入餐廳」等，意見多樣。對於是次事件，大家又覺得如何呢？

詳情原文：