灣仔蛋撻｜手製巨型牛奶撻/德式檸檬撻！爆餡老婆餅/合桃酥$8起

【灣仔蛋撻】灣仔一間主打手工撻的餅店，以足足有6cm高的巨型牛奶蛋撻聞名，牛奶撻餡料香滑、外層鬆脆，非常足料。店舖自家製作的德式檸檬撻、爆餡老婆餅同樣人氣！

灣仔美食｜手製巨型牛奶蛋撻/德式檸檬撻！爆餡老婆餅/合桃酥$9起

灣仔一間街坊餅店，主打多款特色手工撻及唐餅，當中最受歡迎的就有巨型蛋撻「陽光牛奶撻」，足足有成6cm高。蛋漿帶有香濃牛奶味，餡料放滿整個撻皮，而且外層曲奇皮超厚又夠鬆脆，吃完非常飽肚滿足！

牛奶撻趁新鮮出爐熱食，蛋撻餡就會較為滑溜，放涼後口感則比較像布甸！每個牛奶蛋撻售$16，最適合下午茶歎返一個！

另一款人氣甜品就是同樣足料的「德式檸檬撻」，直徑有11cm，高5cm，份量十足！檸檬撻有淡淡檸檬清香，再搭配純牛奶與蛋黃，整個撻都充滿酸甜清香，每個售價為$36。

除了撻類，爆餡又煙韌的老婆餅都大受歡迎！店舖亦有供應紅豆沙餅、鳳梨酥、鳳鳳酥、合桃酥、芝麻餅等手工唐餅，低至$8起就買得到。

熊貓烘焙

地址：灣仔灣仔道234號地下E2舖鴻業大廈
營業時間：星期一至日 10:00-20:00